Latest Post

ಈ ದೇಶದ ಸಂಪತ್ತು ಶಿಕ್ಷಕರು :ಡಾ ಮನ್ನಥ ಡೊಳೆ ವಸತಿ ನಿಲಯಗಳಿಗೆ 25% ಪ್ರತಿಶತ ಪ್ರವೇಶವನ್ನು ಹೆಚ್ಚಿಸುವಂತೆ ಎಬಿವಿಪಿ ಔರಾದ ಶಾಖೆ ಮನವಿ
Spread the love

AB de Villiers: ಸಿಡಿಲಬ್ಬರದ ಸಿಡಿಲಮರಿ ABDಯ ಈ 3 ದಾಖಲೆ ಮುರಿಯುವವರು ಯಾರು?

 

AB De Villiers Birthday: ಬ್ಯಾಕ್ ಟು ಬ್ಯಾಕ್ ಮೂಡಿಬಂದ ಈ ದಾಖಲೆಯ ಹೊರತಾಗಿಯೂ ಇದೇ ಟೂರ್ನಿಯಲ್ಲಿ ಎಬಿಡಿ ಕಣ್ಣೀರಿನೊಂದಿಗೆ ಮೈದಾನ ತೊರೆದಿದ್ದರು.

 

ಕ್ರಿಕೆಟ್ ಅಂಗಳದ ಸಿಡಿಲಬ್ಬರದ ಸಿಡಿಲಮರಿ ಎಬಿ ಡಿವಿಲಿಯರ್ಸ್ ಅವರಿಗೆ ಇಂದು 38ನೇ ಹುಟ್ಟುಹಬ್ಬ. ಕಳೆದ ವರ್ಷವಷ್ಟೇ ಎಲ್ಲಾ ಮಾದರಿ ಕ್ರಿಕೆಟ್​ಗೆ ವಿದಾಯ ಹೇಳಿದ್ದ ಎಬಿಡಿ ತಮ್ಮ ವೃತ್ತಿ ಜೀವನದಲ್ಲಿ ಅನೇಕ ವಿಶ್ವ ದಾಖಲೆಗಳನ್ನು ನಿರ್ಮಿಸಿದ್ದರು. ಈ ದಾಖಲೆಗಳಲ್ಲಿ ಎಲ್ಲರ ಗಮನ ಸೆಳೆದ ದಾಖಲೆಯೆಂದರೆ ಫಾಸೆಸ್ಟ್ ದಾಖಲೆ. ಹೌದು, ಕ್ರಿಕೆಟ್​ ಅಂಗಳದಲ್ಲಿ ವೇಗ ಮತ್ತು ಅತೀ ವೇಗಕ್ಕೆ ಎಬಿಡಿ ಹೊಸ ಅರ್ಥ ನೀಡಿದ್ದರು. ಏಕೆಂದರೆ ಏಕದಿನ ಕ್ರಿಕೆಟ್​ನಲ್ಲಿ ಅತಿ ವೇಗದ ಅರ್ಧಶತಕ ದಾಖಲೆ ಎಬಿಡಿ ಹೆಸರಿನಲ್ಲಿದೆ. ಇನ್ನು ಅತ್ಯಂತ ವೇಗದ ಶತಕದ ವಿಶ್ವ ದಾಖಲೆ ಕೂಡ ಅವರದ್ದೇ ಹೆಸರಿನಲ್ಲಿದೆ. ಹಾಗೆಯೇ ಅತೀ ವೇಗದ 150 ರನ್​ಗಳ ದಾಖಲೆ ಕೂಡ ಮಿಸ್ಟರ್ 360 ಹೆಸರಿನಲ್ಲಿದೆ.

 

2015 ರಲ್ಲಿ ಜೋಹಾನ್ಸ್‌ಬರ್ಗ್‌ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಕೇವಲ 16 ಎಸೆತಗಳಲ್ಲಿ ಎಬಿಡಿ ಅರ್ಧಶತಕ ಪೂರೈಸಿ ದಾಖಲೆ ಬರೆದಿದ್ದರು. ಅಲ್ಲದೆ 31 ಎಸೆತಗಳಲ್ಲಿ ಶತಕ ಬಾರಿಸಿ ವಿಶ್ವ ದಾಖಲೆ ನಿರ್ಮಿಸಿದ್ದರು. ಈ ಪಂದ್ಯದಲ್ಲಿ ಡಿವಿಲಿಯರ್ಸ್ 44 ಎಸೆತಗಳಲ್ಲಿ 149 ರನ್ ಗಳಿಸಿ ಔಟಾದರು. ಅಷ್ಟರಲ್ಲಾಗಲೇ ಎಬಿಡಿ 16 ಸಿಕ್ಸರ್ ಮತ್ತು 9 ಬೌಂಡರಿಗಳನ್ನು ಬಾರಿಸಿದ್ದರು. ಈ ಮೂಲಕ 36 ಎಸೆತಗಳಲ್ಲಿ ಶತಕ ಸಿಡಿಸಿ ದಾಖಲೆ ನಿರ್ಮಿಸಿದ್ದ ಕೋರಿ ಆ್ಯಂಡರ್ಸನ್ ಅವರ ವಿಶ್ವ ದಾಖಲೆಯನ್ನು ಎಬಿಡಿ ಮುರಿದರು.

ವಿಶೇಷ ಎಂದರೆ ಈ ವಿಶ್ವ ದಾಖಲೆಯ ಪಂದ್ಯದಲ್ಲಿ ಎಬಿಡಿ ಮೂರನೇ ಕ್ರಮಾಂಕದಲ್ಲಿ ಆಡಿರುವುದು. ಅಂದರೆ ಅಂದು ಎಬಿಡಿ ನಾಲ್ಕನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯಬೇಕಿತ್ತು. ಆದರೆ 3ನೇ ಕ್ರಮಾಂಕದಲ್ಲಿ ಆಡಬೇಕಿದ್ದ ಡೇವಿಡ್ ಮಿಖಾಯಿಲ್ ಸಮಯಕ್ಕೆ ಸರಿಯಾಗಿ ತಯಾರಾಗಿರಲಿಲ್ಲ. ಅದಾಗಲೇ ಪ್ಯಾಡ್ ಕಟ್ಟಿ ಕೂತಿದ್ದ ಎಬಿ ಡಿವಿಲಿಯರ್ಸ್ ಅವರನ್ನು 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಗೆ ಕಳುಹಿಸಲಾಯಿತು. ಅದರಂತೆ 3ನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಿ ಎಬಿಡಿ ವಿಶ್ವ ದಾಖಲೆ ನಿರ್ಮಿಸಿ ಹಿಂತಿರುಗಿದ್ದರು.

ಈ ದಾಖಲೆ ಬರೆದು ಒಂದು ತಿಂಗಳ ಬಳಿಕ ಮತ್ತೊಮ್ಮೆ ಎಬಿ ಡಿವಿಲಿಯರ್ಸ್ ವೆಸ್ಟ್ ಇಂಡೀಸ್ ವಿರುದ್ಧ ಅಬ್ಬರಿಸಿದ್ದರು. ಈ ಪಂದ್ಯದಲ್ಲಿ ಡಿವಿಲಿಯರ್ಸ್ ಕೇವಲ 64 ಎಸೆತಗಳಲ್ಲಿ 150 ರನ್ ಪೂರೈಸಿ ಮತ್ತೊಂದು ದಾಖಲೆಯನ್ನು ಬರೆದರು. ಆ ಮೂಲಕ ಏಕದಿನ ಕ್ರಿಕೆಟ್​ನಲ್ಲಿ ಅತೀ ವೇಗವಾಗಿ 150 ರನ್ ಬಾರಿಸಿದ ಬ್ಯಾಟ್ಸ್​ಮನ್ ಎನಿಸಿಕೊಂಡರು. ಇದರೊಂದಿಗೆ ಏಕದಿನ ಕ್ರಿಕೆಟ್​ನಲ್ಲಿ ಅತ್ಯಂತ ವೇಗವಾಗಿ ಅರ್ಧಶತಕ, ಶತಕ ಹಾಗೂ 150 ರನ್ ಪೂರೈಸಿದ ಆಟಗಾರ ಎಂಬ ವಿಶ್ವ ದಾಖಲೆ ಎಬಿಡಿ ನಿರ್ಮಿಸಿದರು.

ಬ್ಯಾಕ್ ಟು ಬ್ಯಾಕ್ ಮೂಡಿಬಂದ ಈ ದಾಖಲೆಯ ಹೊರತಾಗಿಯೂ ಇದೇ ಟೂರ್ನಿಯಲ್ಲಿ ಎಬಿಡಿ ಕಣ್ಣೀರಿನೊಂದಿಗೆ ಮೈದಾನ ತೊರೆದಿದ್ದರು. 2015ರ ವಿಶ್ವಕಪ್​ ಸೆಮಿಫೈನಲ್‌ನಲ್ಲಿ ದಕ್ಷಿಣ ಆಫ್ರಿಕಾವನ್ನು ಡಕ್‌ವರ್ತ್ ಲೂಯಿಸ್ ನಿಯಮದ ಪ್ರಕಾರ ನ್ಯೂಜಿಲೆಂಡ್ 4 ವಿಕೆಟ್‌ಗಳಿಂದ ಸೋಲಿಸಿತು. ಈ ಸೋಲಿನೊಂದಿಗೆ ಎಬಿಡಿಯ ವಿಶ್ವಕಪ್ ಕನಸು ಕೂಡ ಕಮರಿತು. ಈ ಸೋಲಿನ ನೋವಲ್ಲಿ ಎಬಿಡಿ ಕಣ್ಣೀರಿಡುತ್ತಾ ಮೈದಾನವನ್ನು ತೊರೆದಿದ್ದರು. ಅಷ್ಟೇ ಅಲ್ಲದೆ ಎಬಿಡಿಯ ವಿಶ್ವಕಪ್ ಗೆಲ್ಲುವ ಕನಸು ಕೂಡ ಕನಸಾಗಿಯೇ ಉಳಿಯಿತು.